Manba: Lautaro Martines "Inter"da qoladi

"Inter" hujumchisi Lautaro Martinesning agenti Alekandro Kamano mijozi yaqin orada jamoani o'zgartirishi mumkinligi haqidagi mish - mishlarni rad etdi.

«Lautaro, Angliya klublarining takliflariga qaramay, "Inter"ni tark etmaydi. U Milan klubida baxtli. U jamoasini yaxshi ko'radi. Keyingi hafta biz rahbariyat bilan uchrashuv o'tkazamiz va yangi shartnoma borasida muhokama qilamiz. Lautaro Milanda qolishni istaydi", - deya Kamanoning so'zlarini keltiradi jurnalist Fabritsio Romano.

2020/21 yilgi mavsumda Martines "Inter" tarkibida 48 ta o'yinda maydonga tushib, 19 ta gol va 11 ta golli uzatmani amalga oshirgan. Transfermarket portali 23 yoshli futbolchini 80 million evroga baholamoqda.