"Real" "PSJ"ga qarshi Mbappening o'zidan qurol sifatida foydalanmoqchi

Hujumchi Kilian Mbappe "PSJ"dan "Real"ga o'tmoqchi.

ABC nashri xabariga ko'ra, futbolchi Madrid klubi bilan shartnoma shartlari qanday bo'lishini allaqachon kelishib olgan.

Frantsiyalik futbolchi yiliga 25 million evroga yaqin maosh bilan 6 yilga shartnoma imzolaydi.
Bundan tashqari, Mbappe erkin agent sifatida o'tishi bilan 40 million evro miqdorida bonus
oladi. Buning uchun esa Kiliandan Parij klubi bilan yangi shartnoma imzolamasligi talab qilinadi, xolos.

Avvalroq, "PSJ" Mbappeni "Real" ga 2022 yilning yozigacha, futbolchining parijliklar bilan
amaldagi shartnomasi muddati tugagunga qadar qo'yib yubormasligi ma'lum bo'lgan edi.