Uillok «Nyukasl»ga o'tishga yaqin

«Arsenal» yarimhimoyachisi Jo Uillok «Nyukasl»ga o'tadi, deb xabar bermoqda Goal.

«Kanonirlar» «Nyukasl»ning taklifini qabul qilgan. Transfer summasi taxminan 25 million funtni tashkil qilishi kutilmoqda. Kelishuv «Nyukasl» futbolchi bilan shartnoma shartlarini kelishgandan so'ng rasmiylashtiriladi.

Ma'lumot uchun, Uillok «Arsenal» tarbiyalanuvchisi hisoblanadi. O'tgan mavsumning ikkinchi yarmida 21 yoshli yarimhimoyachi ijara asosida «Nyukasl»da o'ynagan.