Yaremchuk: «Har kuni ko'proq gol urish uchun mashg'ulot o'tkazaman»

«Benfika» hujumchisi Roman Yaremchuk Chempionlar ligasi saralash bosqichining «Spartak»ka qarshi (2:0) javob o'yini haqida gapirdi.

25 yoshli ukrainalik «burgutlar» safida debyutini o'tkazdi va uchrashuvning ikkinchi yarmida zaxiradan maydonga tushdi.

«Men baxtliman. Hozir qiyin davr, chunki mavsum oldidan tayyorgarlik ko'rmaganman. Qo'llab-quvvatlagani uchun murabbiyga rahmat. Hamma muxlislarga ham.

Men hammaga minnatdorchilik bildirmoqchiman. «Benfika»da o'ynash ajoyib. Men har kuni ko'proq gol urish uchun mashg'ulot o'tkazaman» - deydi Yaremchuk.

Eslatib o'tamiz, «Benfika» hujumchini «Gent»dan 5 yillik shartnoma evaziga 17 million evroga sotib olgandi.