"Inter" "PSV" himoyachisi uchun 15 million evro taklif qildi

"PSV" himoyachisi Denzel Dyumfris faoliyatini "Inter"da davom ettirishi mumkin, deya xabar beradi jurnalist Nikolo Skira. Manbaning xabariga ko'ra, Milan klubi 25 yoshli gollandiyalik futbolchini "PSJ"ga o'tgan Ashraf Hakimining o'rinbosari sifatida ko'rib chiqmoqda.

"Inter" Dyumfris uchun 15 million evro taklif qilgan, "PSV" esa futbolchini sotishdan 20 million evroga yaqin daromad olmoqchi. 2020/21-yilgi mavsumda Dyumfris 41 ta o'yinda maydonga
tushib, 4 ta gol va 9 ta golli uzatma muallifi bo'lgan. Himoyachining "PSV" bilan amaldagi
shartnomasi 2023-yilning 30-iyunigacha mo'ljallangan.