Tuxel Abraxamning transferi haqida gapirdi

"Chelsi" bosh murabbiyi Tomas Tuxel jamoani tark etishi mumkin bo'lgan hujumchi Temmi Abraxam bilan bog'liq vaziyat haqida gapirdi.

"Hozirda Temmi jamoa bilan, u yaxshi tayyorgarlik davrini o'tkazmoqda. Shubhasiz, Abraxam o'tgan olti oydagi o'yinlaridan mamnun emas edi. Balki, mening xatoim, qolgan o'yinchilarga ishongan darajada unga ishonmaganligim edi. Men u ko'proq o'ynashni xohlayotganini tushunaman. Qarorni Temmining o'zi qabul qiladi. U tarkibdan joyni qaytarib oladimi yoki ko'proq o'yin o'tkazish uchun klubni o'zgartirmoqchi bo'ladimi", - deya Tuxelningso'zlarini keltiradi Sky Sports nashri.

2020/21 yilgi mavsumda Abraxam "Chelsi" tarkibida 32 o'yinda maydonga tushib, 12 gol va 6 golli uzatma muallifi bo'lgan. Futbolchi jamoaga Tomas Tuxel kelganidan keyin maydonga kamroq tusha boshladi. Transfermarket portali forvardning narxini 38 million evroga baholamoqda.

Eslatib o'tamiz, futbolchiga hozirda Rimning "Roma" klubi qiziqish bildirmoqda.