"Real" va "Barsa" ishtirokidagi o'yinlar televidenie orqali namoyish etilmasligi mumkin

"Real Madrid" va "Barselona" prezidentlari Florentino Peres va Joan Laporta La Liga va CVC Capital Partners investitsiya jamg'armasi o'rtasidagi kelishuvga qarshi chiqishdi. Ularning fikricha, bu harakat aktivlarning o'zlashtirilishi tufayli noqonuniy bo'lgan. Ular sudga murojaat qilish niyatida.

Bir necha kun oldin Ispaniya chempionati rahbariyati 50 yillik shartnoma imzoladi, unga ko'ra fond yangi Boost LaLiga xolding kompaniyasining 10,95 foiz aktsiyalarini 2,7 milliard evro sarmoya evaziga oladi. Shu bilan birga, CVC deyarli barcha tijorat loyihalarini, jumladan, televidenie huquqlarini nazorat qiladi.

El Transistor xabariga ko'ra, "Real" va "Barselona" o'z o'yinlarini bunday shartlarda televidenie orqali ko'rsatilishini xohlamaydilar.