Eriksen "Ayaks"ga qaytishi mumkin. Sababi...

"Inter" yarim himoyachisi Kristian Eriksen "Ayaks"ga qaytishi mumkin, deb xabar beradi Football Italia nashri. Hamma narsa futbolchining yurak stimulyatorini olib tashlashiga bog'liq bo'ladi.

Agar daniyalik kelgusi oylarda qurilmadan qutulsa, u Milan klubida qoladi. Agar o'yinchida hali ham yurak stimulyatori bo'lsa, u "Ayaks"ga qaytish haqida o'ylaydi. Sababi, Italiya A Seriyasida bunday moslamalar bilan o'ynash taqiqlangan.
Eriksenga yurak urish tezligini normallashtirish uchun yurak stimulyatori joylashtirildi.

Eslatib o'tamiz, 2021 yil 12 iyunda Evro -2020 Finlyandiyaga qarshi o'yinda Daniya terma jamoasi futbolchisi yurak xurujiga uchradi va hushidan ketdi. Shifokorlar uni to'qqiz daqiqada sun'iy nafas berish va yurakni yopiq massaj qilish orqali jonlantirishdi. Kristianni maydondan zambilda olib ketishdi.

29 yoshli daniyalikning "Inter" bilan amaldagi shartnomasi 2024 yilning 30 iyuniga qadar tuzilgan.