Grilish: «Menga ortiqcha bosim va savollar bo'lmadi»

«Manchester Siti» futbolchisi Jek Grilish transferdan so'ng unga ortiqcha bosim o'tkazilmagani haqida aytib o'tdi. U OAV bilan suhbatda shunday deydi:

«Mening boshqa jamoaga ko'chib o'tganim va bu ko'chish narxi yuzasidan menga ortiqcha savol va bosimlar bo'lmadi. Aksincha, bu meni qanchalik qadrlanishimni ko'rsatadi. Men yangi jamoamga ko'p narsa bera olishimga ishonaman. Murabbiy meni qaerda o'ynatishidan qat'iy nazar, o'z vazifamni sidqidildan bajarishga harakat qilaman. O'ninchi raqam ostida to'p surishim esa menga katta g'urur hamda ishonch baxsh etmoqda».

Grilish kelayotgan  yakshanba kuni «Tottenxem»ga qarshi bahsda o'zining APL debyutini o'tkazishi mumkin.