Ishonchli manba: "Barselona" yangi futbolchilarini ro'yxatdan o'tkaza olmasligi mumkin

"Barselona" yana to'rt nafar futbolchisini yangi mavsum uchun ro'yxatdan o'tkaza olmasligi mumkin.

Bular Memfis Depay, Emerson, Erik Garsiya va Serxio Aguero. Bu haqda "Gol" nashri jurnalisti Ramon  Alvares xabar bermoqda.

Manbaning ma'lum qilishicha, kataloniyaliklar o'z navbatida 128 million evro va 144 million evroni kapital daromad va ish haqi tejalishi ko'rinishida olishlari kerak.

Agar, "ko'k-anorranglilar" futbolchilari maoshini sezilarli darajada pasaytira olmasa, bu to'rt futbolchi yangi mavsumda klubda ro'yxatdan o'ta olmaydi. 

Ta'kidlash joizki, yuqorida nomi tilga olingan muxbir Messining "Barsa" bilan shartnomasini uzaytira olmasligini, "Marca" nashridan ham avval e'lon qilgan edi.