Lukaku transferidan "MYu" qancha daromad ko'rishi ma'lum

"Inter" hujumchisi Romelu Lukaku "Chelsi" ga o'tishga yaqin turibdi.

Xabarlarga ko'ra, London klubi belgiyalikning transferi uchun 115 million evro to'laydi.
2019 yilda Lukakuni "Manchester Yunayted"dan "Inter"ga transfer qilinishida, futbolchining keyingi sotuvidan ma'lum summa Manchester klubiga o'tishi haqidagi band bor edi. Shunday qilib, "qizil iblislar" Lukakuning "Chelsi"ga o'tishidan 4-5 million evro atrofida daromad olishi ko'zda tutilgan.

Manbada aytilishicha, hujumchining "Chelsi"dagi maoshi "Inter"dagi daromadidan sezilarli darajada oshadi.

Eslatib o'tamiz, biroz avval Lukaku "Inter" klubi tibbiy ko'rigidan o'tgani haqida ma'lum qilgandik.