«Tottenxem» Ndombelega narx belgiladi

Londonning «Tottenxem» klubi frantsiyalik yarimhimoyachi Tanguy Ndombeleni sotish niyatida. Bu haqda Sky Sports xabar beradi.

Manbaga ko'ra, o'rta chiziqdagi futbolchi «shporlar»dagi o'yini bilan murabbiyni ishontirolmagan, shuning uchun klub u uchun foydali takliflarni ko'rib chiqishga tayyor.

Ma'lum bo'lishicha, klub Ndombelening sotilishidan 60-65 million evro ishlab olmoqchi.

Ma'lumot uchun, oxirgi mavsumda Ndombele londonliklar safida barcha turnirlar doirasida 46 ta o'yin o'tkazdi.