"PSJ" hujumchisi Shomurodovning jamoadoshiga aylanishi mumkin

"PSJ"ning argentinalik hujumchisi Mauro Ikardi yozgi transfer oynasida "Roma"ning asosiy transfer maqsadiga aylandi. Bu haqda Gazzetta dello Sport nashri xabar bermoqda.

Rimliklar "Inter" bilan shartnoma borasida kelishib olgan Edin Jekoga o'rinbosar qidirishmoqda. Shu bilan birga, 28 yoshli Ikardi vatandoshi Lionel Messi kelganidan keyin Parij klubida o'rnini yo'qotishi mumkin.

"Bo'rilar" Ikardidan tashqari, Temmi Abraxam ("Chelsi"), Aleksandr Isak ("Real Sosedad") va Serdar Azumun ("Zenit")ni ko'rib chiqishmoqda.

Eslatib o'tamiz, "Roma" bir necha hafta oldin vatandoshimiz Eldor Shomurodov bilan shartnoma imzolagan edi.