«Bavariya» Messi bilan shartnoma tuzishi mumkinmi?

«Bavariya» sport direktori Hasan Salihamidjich argentinalik hujumchi Lionel Messining transferi haqidagi savolga javob berdi.

«Afsuski, Messini jamoaga taklif qilishning imkoni yo'q. Biz muzokaralarga kirishmadik.  Messining transferini erkin agent sifatida ham tasavvur qilib bo'lmaydi», – deya Salihamidjichning so'zlarini keltiradi Sport1.

5 avgust kuni «Barselona» Messi bilan shartnomani uzaytirmasligini e'lon qildi. Bunga Ispaniya chempionati reglamentida ko'rsatilgan moliyaviy va tizimli to'siqlar sabab bo'lgan.

Messi 2005 yildan buyon «Barselona» asosiy tarkibida o'ynadi. O'tgan mavsumda 34 yoshli hujumchi Ispaniya chempionatida 35 o'yin o'tkazdi va 30 gol urib, 9 golli uzatmani amalga oshirdi.

Manba: sports.ru