"Roma" va "Inter" Jeko transferini yakunlash arafasida

"Roma"ning bosniyalik 35 yoshli hujumchisi Edin Jeko "Inter"ga o'tishga yaqin turibdi. Bu haqda jurnalist Nikolo Skira tvitterda xabar berdi. Manbaga ko'ra, klublar o'rtasidagi muzokaralar yakunlanish arafasida. Hujumchining agenti milanliklar bilan futbolchining 2023-yilgacha tuzilgan shaxsiy shartnomasini kelishib oldi.

"Inter" "Roma"ning qarorini kutmoqda va yaqin bir necha soat ichida bitimni yakunlashi
mumkin. O'tgan 2020/2021-yilgi mavsumda Jeko "Roma" tarkibida barcha turnirlarda 38 ta
o'yinda qatnashib 13 ta gol va 5 ta golli uzatmani amalga oshirishga muvaffaq bo'ldi.