Tokio-2020. So'nggi kunda bitta final kutib turibdi

Yaponiya olimpiadasining so'nggi kunida o'zbekistonlik faqat bir sportchi ishtirok etadi.

Boksning eng og'ir vazndagi atletimiz Bahodir Jalolov finalda oltin medal uchun jang qiladi. Vatandoshimiz kamida kumush medalni naqd qilib qo'ygan. Ammo Bahodirdan AQShlik Richard Torresga qarshi jangdan faqat g'alaba kutamiz.

Shu tariqa, O'zbekiston Tokio olimpiadasini 5ta medal bilan yakunlaydigan bo'ldi. Umid qilamiz, oltin medallarimiz soni 3tani tashkil qiladi. Shunda umumjamoa hisobida kuchli o'ttiztalikka kirish ehtimoli yuzaga keladi (hozir 37-o'rindamiz).

Ma'lumot o'rnida: O'zbekiston delegatsiyasi Rio-2016da 13ta (4-2-7) medalni qo'lga kiritib, umumjamoa hisobida 21-pog'onani band etgandi.