Tokio-2020. 15-kun vakillarimiz uchun qanday o'tdi? — medalga yaqin keldik

Bugungi bahslarni kanoechi qizlarimiz boshlab berdi. Juftlik yo'nalishida Nilufar Zokirova va Dilnoza Rahmatova yarimfinalda o'z ishtiroklarini tugatishdi va umumiy hisobda 11-pog'onadan joy olishdi.

Shuningdek, badiiy gimnastika bo'yicha bahslar ham barchaning diqqat markazida bo'ldi. Jamoaviy bahslar doirasida yurtdoshlarimiz Kseniya Aleksandrova, Kamola Irnazarova, Dinara Ravshanbekova, Sevara Safoeva va Nilufar Shomurodova umumiy ro'yxatda 9-o'rinni egallab finalga chiqa olishmadi.

Zamonaviy beshkurash doirasida esa Aleksandr Savkin ishtirok etib, yakunda 32-pog'onadan joy oldi.

Biroz oldin engil atletikaning balandlikka sakrash turi doirasida yana bir hamyurtimiz Safina Sadullaeva ham o'z ishtirokini yakunladi.

Qayd etish kerak, kecha Safina finalga yo'l olib barchamizni xursand qilgan edi. U bugun hal qiluvchi bosqichda 196 metrni zabt etishga muvaffaq bo'ldi. Biroq bu medalga kifoya qilmadi. U yakunda 198 metrni afsuski, zabt eta olmadi.