Safina Sa'dullaeva Tokio-2020 olimpiadasida 6-o'rinni egalladi

Engil atletikaning ayollar o'rtasida balandlikka sakrash musobaqasida bugun final bahslari o'tkazildi. Unda o'zbekistonlik Safina Sa'dullaeva munosib ishtirok etdi.

Hamyurtimiz 189 va 193 sm. balandliklardan ilk urinishdayoq o'tib ketgan bo'lsa, 196 sm. balandlikni ikkinchi urinishda zabt etdi. Bu orqali u o'zining shaxsiy rekordini takrorladi.

Shundan so'ng balandlik 198 sm.ga ko'tarildi. Safini o'zining ikkinchi urinishida ushbu balandlikni zabt etishga bir baxya qoldi. Ammo so'nggi pallada oyoqlarini o'z vaqtida ko'tarishga ulgurmagani uchun to'sin tushib ketdi. Sa'dullaeva 198ga bo'lgan birinchi va uchinchi urinishlarda muvaffaqiyatli harakat qila olmadi.

Shu tariqa, 19 yoshli Sa'dullaeva o'zining ilk olimpiadasida 6-o'rinni egalladi.

Manba: www.stadion.uz.