«MYu»ning qaysi futbolchisi koronavirusga chalingani ma'lum bo'ldi

«Manchester Yunayted» lagerida koronavirus bilan kasallanish holati qayd etildi. Bu haqda «qizil iblislar» matbuot xizmati xabar beradi.

«Mankunianlar» hujumchisi Jessi Lingard koronavirus uchun ijobiy testdan o'tgan. Shu sababli futbolchi darhol izolyatsiyaga olingan. Katta ehtimol bilan u Angliya Premer-ligasining yangi mavsum startini o'tkazib yuboradi.

Ma'lumot uchun, Angliya chempionatining birinchi turida «mankunianlar» «Lids» bilan uchrashadi. Bahs 14 avgust kuni «Old Trafford»da bo'lib o'tadi.

Eslatib o'tamiz, Lingard o'tgan mavsumning ikkinchi yarmida «Vest Xem»da ijara asosida o'ynadi. U 16 ta o'yinda maydonga tushib, 9 ta gol urdi va 4 ta golli uzatmani amalga oshirdi.