Keyn o'zi haqidagi xabarlarni rad edi

"Tottenxem" hujumchisi Xarri Keyn jamoaning mashg'ulotlarini boykot qilish niyatini rad etdi.

Avvalroq, futbolchi ta'tildan so'ng, "shporlar" uni sotishni istamagani uchun klub mashg'ulotlariga qaytishdan bosh tortgani haqida xabar berilgandi.

"Tottenhem"da debyut qilganimga qariyb 10 yil bo'ldi. Muxlislar doim meni qo'llab -
quvvatlab, o'z sevgilarini ko'rsatishdi. Shu sababli, mening professionalligimga shubha tug'diradigan izohlarni o'qish meni ranjitadi.

Vaziyat tafsilotlariga hozircha to'xtalmoqchi emasman. Ammo aniqlik kiritish kerakki, men mashg'ulotlardan hech qachon voz kechmaganman va bundan keyin ham voz kechmayman. Men rejalashtirilganidek shanba kuni klubga qaytaman. Men muxlislar bilan munosabatlarimga putur etkazadigan hech narsa qilmagan bo'lardim ",- deb yozdi ingliz o'z tvitterida.

Hujumchi o'tgan mavsumda 49 ta o'yinda 33 ta gol urdi va 17 ta golli uzatmani amalga oshirdi.
Uning "Tottenxem" bilan shartnomasi 2024 yilgacha tuzilgan.