Lukaku o'rniga "Real", "Fiorentina" va "Zenit" futbolchilari nomzod bo'lmoqda

"Inter"ning belgiyalik futbolchisi Romelu Lukaku yangi mavsumda boshqa jamoada o'ynashi mumkin. Katta ehtimol bilan Lukaku "Chelsi"ga o'tadi. Italiya klubi futbolchining o'rniga hujumchi sotib olish imkoniyatini o'rganmoqda

La Gazzetta dello Sport xabariga ko'ra, nomzodlardan biri Dushan Vlahovich ("Fiorentina") bo'lib, "Inter" ushbu futbolchi uchun kamida 60 million evro to'lashi kerak bo'ladi.

Shuningdek, Duvan Sapata ("Atalanta"), Serdar Azmun ("Zenit"), Luka Yovich ("Real"), Janluka Skamakka va Jakomo Raspadori (ikkalasi ham "Sassuolo") kabi hujumchilar nomlari qayd etilgan.

Qayd etilishicha, "Latsio" yarim himoyachisi Xoakin Korreaga ham qiziqish bor, ayniqsa u "Inter" ning yangi bosh murabbiyi Simone Inzagi bilan muvaffaqiyatli ishlagan, lekin uni Rim klubi 40 million evrodan kamiga sotibmoqchi emas.