Lukaku Gvardiolani ikki marta jazolagan: barchasi Pepning yodida

«Manchester Siti» bosh murabbiyi Xosep Gvardiola «Inter» hujumchisi Romelu Lukakuni maqtab o'tdi.

U belgiyalikning «Everton»dagi paytida «shaharliklar»ga qarshi bahsda ochko to'plashda ikki marta yordam berganini esladi.

«U tez va ancha kuchli o'yinchi. Men uni «Everton»da Kuman boshqaruvida o'ynaganida kuzatganman. Lukaku bizni «Etixad»da jazolagandi.

Keyinchalik u bizni «Gudison Park»da ham yana bir bor alamli tarzda jazoladi. U tez, u to'psiz ham qanday harakatlanish mumkinligini juda yaxshi biladi.

Romelu ko'pincha boshqa o'yinchilar harakatlanishi uchun joy yaratadi. Bu borada u eng zo'r. Biz uni jahon darajasidagi o'yinchi deb hisoblashimiz mumkin»,-deydi Gvardiola.