"Arsenal"ning nomi "Afrika"ga o'zgartirish taklif qilindi

Nigeriyalik "Sanshayn Stars" klubi sobiq futbolchisi Dele Olorundare asli afrikalik bo'lgan belgiyalik futbolchi Albert-Mboyo Lokongani "Arsenal"ga o'tishi haqida fikr bildirdi.

"Kanonirlar" o'z tarkibini ko'plab afrikalik futbolchilar bilan yaxshilayotganini ko'rish juda yoqimli. Menimcha, "Arsenal"ning nomini "Afrika" deb o'zgartirish kerak, deya hazil qildi sobiq futbolchi.

Lokonganing o'tishi London klubining afrikaliklarga ishonishidan dalolat beradi.

Shuningdek, jamoada Tomas Parti (Gana), Per-Emerik Obameyang (Gabon), Nikolas Pepe (Kot-d'Ivuar) va kelib chiqishi afrikalik bo'lgan bir qancha futbolchilar to'p tepadi.