O'smirlar terma jamoamiz o'rtoqlik uchrashuvlarida maydonga tushdi

Xabaringiz bor, O'zbekiston U15 terma jamoasi Tojikiston safari oldidan Toshkent shahrida o'quv-mashg'ulot yig'ini o'tkazmoqda.

Kecha o'smirlar terma jamoamiz «Chig'atoy» stadionida Toshkent viloyati U15 terma jamoasi bilan ikkita o'rtoqlik uchrashuvida maydonga tushdi.

Dastlabki bahsda Server Jeparov shogirdlari 3:1 hisobida g'alaba qozongan bo'lsa, ikkinchi o'yinda jamoalar 2:2 hisobidagi durang natijani qayd etgan.

Ma'lumot o'rnida, O'zbekiston U15 terma jamoasi 9-14 avgust kunlari Dushanbe shahrida tashkil etiladigan yig'in davomida Tojikiston U15 terma jamoasi bilan ikkita xalqaro o'rtoqlik uchrashuvi o'tkazadi.

Mazkur o'rtoqlik o'yinlari 11 va 13 avgust kunlari Dushanbedagi “Respublika Markaziy” stadionida bo'lib o'tadi.

O'rtoqlik uchrashuvi
O'zbekiston U15 - Toshkent vil. U15 - 3:1
Gollar: Hamid Turg'unboev (xet-trik)

O'zbekiston U15  - Toshkent vil. U15 - 2:2
Gollar: Mirjalol Mirxalilov (dubl)