Sabina Tashkenbaeva delegatsiyamiz tarkibidagi o'zgarishdan so'ng nimalar dedi?
/ Kiritdi: BestMaster Ko'rilgan: 147

Tokio Olimpiadasining badiiy gimnastika bahslarida ishtirok etishi kutilgan Sabina Tashkenbaevaning koronavirusga chalingani tufayli delegatsiyamiz tarkibida o'zgarish ro'y bergandi.
Ushbu voqeadan so'ng Sabinaning o'zi fikr bildirdi. «Tokioda Olimpiya o'yinlari davom etmoqda. Bu musobaqalarda O'zbekiston gimnastika terma jamoasi safida men ham ishtirok etishim kerak edi.
Ammo koronavirus meni ham chetlab o'tmadi va ketish oldidan topshirgan test tahlilim ijobiy chiqdi. Shu sababli ham men Tokioda bo'lib o'tayotgan Olimpiya o'yinlarida ishtirok eta olmayman.
Meni o'rnimga Olimpiadada Ekaterina Fetisova ishtirok etadi, unga bo'lajak musobaqada omad tilayman. Biz murabbiyim bilan Olimpiadada ishtirok etish uchun borimizni bergan edik va qiyinchilik bilan yo'llanma olgandim.
Afsuski, unda qatnasha olmaydigan bo'ldim. Hozir men uchun juda ham qiyin davr. Milliy Olimpiya qo'mitasi, federatsiya mutasaddilari, murabbiylarim va meni qo'llab turgan boshqa barchaga minnatdorchilik bildirib qolaman», – deydi Sabina Tashkenbaeva.

Bosh sahifaga
419