«Liverpul» futbolchisi jarohati sabab uch haftaga safdan chiqqan

Yurgen Klopp klub futbolchisi Tiago Alkantara belidan jarohat olganini tasdiqladi. Bu haqda klub veb saytida bayonot berildi. Ispaniyalik futbolchi bu jarohati sabab bugun «Bolonya»ga qarshi o'rtoqlik uchrashuvini o'tkazib yuboradigan bo'ldi.

Klopp vaziyat yuzasidan fikrini bildirib o'tdi: «Tiago klub mashg'ulotlariga kichik jarohat bilan qaytgan edi. Shu sabab uch haftani o'tkazib yuborishga majbur. Chunki u haliham jarohatdan aziyat chekmoqda. Biz hech qanday tavakkal qila olmaymiz. Futbolchi to'liq sog'ayishiga barcha sharoitlarni yaratishga harakat qilamiz».