"Yuve" himoyachisi boshqa jamoaga o'tdi

Turinning "Yuventus" klubi markaziy himoyachisi Merix Demiral faoliyatini "Atalanta"da davom ettiradi.

Bergamo klubi futbolchini 2021/22 yilgi mavsum oxirigacha ijaraga oldi va buning uchun 3 million evro to'laydi.

Shartnoma shartlariga ko'ra, "Atalanta" 23 yoshli turk futbolchisini 25 million evroga sotib olish huquqiga ega bo'ladi.

Bundan tashqari, "keksa sinora" futbolchining keyingi sotuvining 10 foizini oladi.

Demiral 2019 yildan buyon "Yuventus" da o'ynab kelmoqda. U o'tgan mavsum barcha musobaqalarda 32 ta o'yinda qatnashdi, 1 ta gol va 2 ta golli uzatmani amalga oshirdi.