Tokio-2020. Qozog'istonning birorta bokschisi finalga chiqa olmadi

Qozog'iston boks delegatsiyasi o'z tarixida ilk marta olimpiya o'yinlarida oltin medalni qo'lga kirita olmaydigan bo'ldi. Bu safar qo'shnilarimizning birorta ham charm qo'lqop ustasi finalga chiqa olmadi.

Qozog'istonlik ikki bokschi Qamshibek Qo'nqabaev (91+ kg.) va Saken Bibossinov (52 kg.) yarim finalgacha etib kelishgan edi. Eng og'ir vazndagi sportchi kecha amerikalik Richard Torresga yutqazgan bo'lsa, engil vazndagi bokschi bugun britaniyalik Jalol Yafayga imkoniyatni boy berdi (2:3).

Shu tariqa, final janglarida qozog'istonlik bokschilar ishtirok etishmaydi. Vaholanki, 1996 yildan boshlab mustaqil Qozog'istonning kamida bir vakili olimpiya o'yinlarida oltin medalni qo'lga kiritib kelgan edi.

Atlanta-1996 — Vasiliy Jirov (81 kg)
Sidney-2000  — Bekzat Sattarxanov (57 kg) va Ermaxan Ibraimov (71 kg)
Afina-2004 — Baxtiyor Artaev (69 kg)
Pekin-2008 — Baxt Sarsekbaev (69 kg),
London-2012 — Serik Sapiev (69 kg)
Rio-2016  — Daniyar Eleusinov (69 kg).