"Sautgempton" yana bir etakchisini sotib yubordi

"Sautgempton" hujumchisi Denni Ingz "Aston Villa"ga ko'chib o'tdi, deb xabar beradi Birmingem klubining rasmiy sayti.

Transfer summasi 35 million evroni tashkil etdi. Forvard klub bilan 2024 yilning yoziga qadar shartnoma imzoladi.

29 yoshli Ings 2018 yildan buyon "Sautgempton"da o'ynaydi. U "avliyolar" safida jami 100 ta o'yin o'tkazdi, 46 ta gol urdi va 10 ta golli uzatmani amalga oshirdi. Oldin "Bornmut", "Dorchester", "Byornli" va "Liverpul" jamoalarida o'ynagan. U Angliya terma jamoasi safida 3 ta o'yin o'tkazdi va 1 ta gol urdi.