«Liverpul» o'z hujumchisiga yangi shartnoma taklif etadi

«Liverpul» Muhammad Salohni o'z tarixidagi eng ko'p maosh oluvchi futbolchiga aylantiradi. «Liverpool Echo» nashrining xabariga asosan, klub transferlar oynasida nofaol bo'lsa ham, asosiy futbolchilari bilan shartnomani yangilash borasida ishlamoqda.

Xabarda aytilishicha, klub Saloh bilan rekord darajadagi maosh beruvchi shartnoma imzolashni rejalashtirmoqda. Bu narsa misrlikni klub tarixidagi eng ko'p haq oluvchi futbolchiga aylantiradi. Hozircha ushbu shartnomadagi maosh qiymati ma'lum qilinmagan.