«Kristal Pelas» klubi «Arsenal» futbolchisini ijaraga oladi

Londonning «Kristal Pelas» klubi hamshahari «Arsenal»dan Reys Nelsonni bir mavsumga ijaraga olmoqchi. «Sky Sports News» bergan xabarga ko'ra, Nelsonning o'zi ham bu ko'chishga qarshi emas.

Chunki Mikel Arteta futbolchi uchun tarkibdan joy topa olmagan. 21 yoshli vinger o'tgan mavsumda «kanonirlar» safida atigi 9 ta uchrashuvda maydonga tushgan va 1 ta golli uzatmaga muallif bo'lgan.

«Burgutlar» bosh murabbiyi Patrik Viera Nelsondan tashqari «Bormunt» hujumchisi Arnaud Danjuma hamda «Leypsig» forvardi Ademola Lukmanning harakatlarini jiddiy kuzatmoqda. Oldinroq klub «Chelsi»dan Konor Gallaher ijarasini rasmiylashtirgan edi.