«Milan» Vlashich uchun bir futbolchisini transferga qo'ygan

Sport Mediaset xabariga ko'ra, «Milan» norvegiyalik hujumchi Yens Xaugeni Frankfurtning «Ayntraxt» klubiga sotishga yaqin turibdi. Ushbu transfer 12 million evro evaziga amalga oshishi mumkin. 

Agar bu kelishuv tasdiqlansa, transferdan tushgan pul anchadan beri ko'zlab kelingan Vlashich xaridiga kiritilishi rejalashtirilgan. «Milan» TsSKAga 25 million evro taklif qiladi.

Avvalroq, Roman Babaev klub futbolchini munosib miqdordagi tovon puli olgan taqdirdagina qo'yib yuborishi mumkinligini ma'lum qilgandi.