Tokio-2020. Kanoechi qizlarimiz saralash bahslarida ishtirok etishdi

Tokio olimpiadasining navbatdagi kuni boshlandi.

Kanoechilarimiz Dilnoza Rahmatova hamda Nilufar Zokirova ham Tokio-2020 Olimpiya o'yinlaridagi ishtirokini boshlashdi. Vakillarimiz dastlab 200 metrga yakkalik bahslarida saralash dasturida ishtirok etishdi.

Zokirova 1-saralash guruhida ishtirok etib, 49.686 soniya natija bilan marraga oltinchi bo'lib etib keldi.

4-saralash guruhida ishtirok etgan Rahmatova esa 47.716 soniya natija bilan finishga beshinchi bo'lib etib keldi.

Reglamentga ko'ra, guruhlarda dastlabki 2ta o'rinni egallagan sportchilar to'g'ridan-to'g'ri yarim final yo'llanmasini qo'lga kiritishdi. Qolgan atletlar esa qo'shimcha start orqali keyingi bosqichga chiqishga urinishadi.