Rasman! Romero Londonga ko'chib o'tdi

Argentina va «Atalanta» himoyachisi Kristian Romero Londonning «Tottenxem» klubi futbolchisiga aylandi, deb xabar beradi insayder Fabritsio Romano.

Manbaga ko'ra, «shporlar» ushbu transfer uchun «Atalanta»ga 50 million evro va qo'shimchasiga 5 millionlik bonus to'lashgan.

Avvalroq, Romano futbolchining ingliz klubi bilan shaxsiy shartnomasi allaqachon kelishilgani haqida xabar bergan edi.

O'tgan mavsumda Romero 31 o'yinda maydonga tushib, 2 gol urdi va shuncha golga uzatma berdi.