Rojers: «Klub eng yaxshi o'yinchilarini sotmaydi»

«Lester Siti» klubi bosh murabbiyi Brenden Rojers ushbu yozda Meddison jamoadan ketmasligini ma'lum qildi. Xabarlarga ko'ra, «Lester» 24 yoshli futbolchisiga 70 million funtlik boj belgilagan.

Ammo Rojers «tulkilar»ning muhim a'zosi uchun hech qanday takliflar ko'rib chiqilmasligini aytgan. Jurnalistlar bilan suhbatda u shunday deydi: «Klub bilan Meddisonni sotmaslikka qaror qildik. Bu aniq. Bizning o'yinchilarimiz doimo klubda qolishda xohlaydi. Chunki ular bu erda baxtiyor. To'g'ri atrofda ko'plab mish-mishlar yuribdi. Biroq biz bu narsaga e'tibor bermaymiz va birga ishlashda davom etamiz».

Meddison o'tgan mavsumdagi 42 ta o'yinda 11 ta va 10 ta golli pasga mualliflik qilgan. Avvalroq unga «Arsenal» klubi qiziqish bildirgani haqida xabar qilingan edi.