«Nyukasl» Ispaniya grantidan hujumchi sotib olishi mumkin

Angliyaning «Nyukasl» klubi «Real» hujumchisi Mariano Diaz bilan shartnoma imzolaydi. Karlo Anchelotti yangi mavsum uchun Diazni rejaga kiritmagan. Shu sabab Ispaniya klubi uni sotib, pulini yangi o'yinchilar xaridi uchun sarflamoqchi.

28 yoshli futbolchi «Real»da so'nggi 3 mavsumda 6 ta gol urgan, xolos. U oldin «Lion» klubida sermahsul o'yinlar ko'rsatgan edi. Diazning o'zi ham APLga ko'chishga qarshi emas va hujum chizig'ini istalgan joyida o'ynash qobiliyatiga ega.