Afsonaviy Zlatan qaytmoqda

«Milan»ning shvetsiyalik hujumchisi Zlatan Ibrahimovich jarohatidan forig' bo'lib yaqin orada safga qaytadi, deya xabar beradi La Gazetta dello Sport.

Manbaga ko'ra, hujumchi kelasi hafta boshidan jamoaning qolgan a'zolari bilan mashg'ulotlarni davom ettiradi.

Eslatib o'tamiz, 39 yoshli shved oxirgi marta 9 may kuni A Seriyaning «Yuventus»ga qarshi bahsida «rossonerilar» tarkibida ishtirok etgan edi. Iyun oyida u artroskopik jarrohlik amaliyotini o'tkazdi.

Ma'lumot uchun, o'tgan mavsumda Ibrahimovich «Milan» safida 27 ta o'yinda maydonga tushib, 17 ta gol va 3 ta golli uzatmani amalga oshirgan.