Tokio-2020. Engil atletika. Ruslan Kurbanov omadsizlikka uchradi

Erta tongdan vakillarimiz orasida Ruslan Kurbanov engil atletikaning uch hatlab sakrash yo'nalishi bo'yicha yurtimiz sharafini himoya qildi.

Afsuski, vakilimiz berilgan imkoniyatlardan unumli foydalana olmadi va musobaqani natijasiz yakunladi. Tokio-2020 rasmiy sayti bergan ma'lumotga ko'ra, Ruslan dastlabki sakrash jarayonida chiziqni bosib olgani uchun natijasi inobatga olinmagan. Hamyurtimiz ikkinchi va uchinchi urinishlarni amalga oshirmasdan, bahslardan chiqib ketgan.

Shu tariqa 2019 yil Osiyo chempioni bo'lgan Kurbanov uchun joriy Olimpiada muvaffaqiyatsiz o'tdi.

Eslatib o'tamiz, Kurbanov joriy mavsum 17.03 metr natija bilan o'zining shaxsiy rekordini yangilashga erishgan edi.