De Yong: "Barsa"da yosh va tajribali futbolchilar uyg'unligi bor"

"Barselona" va Gollandiya terma jamoasi yarim himoyachisi Frenki de Yong yangi mavsum oldidan fikrlari bilan o'rtoqlashdi.

- "Barsa" oxirgi paytlarda sovrinlar yuta olmayapti, buning uchun jamoaga nima etishmayapti?

- O'ylaymanki, bu mavsumda jamoamiz natijalari yaxshilandi. Biz jamoa bo'lib o'syapmiz, ikkinchi yilda ham bir murabbiy bilan ishlayapmiz va odatda ikkinchi mavsumda ishlar yaxshilanadi.

O'ylaymanki, bu yil biz raqobatlashish va jiddiy sovrinlarni qo'lga kiritish imkoniyatiga ega bo'lamiz.

- Jamoa oxirigacha kurashishga tayyormi?

- Ha.

- Yosh va tajriba uyg'unligi tufaylimi?

- Bu kombinatsiya juda muhim. Bizda katta tajribaga ega yuqori sifatli futbolchilar ham, o'zini ko'rsatmoqchi bo'lgan iqtidorli yoshlar ham bor.

- Jamoa mavsumni qanday yakunlashini ayta olasizmi?

Aytish qiyin, lekin bu yil "Barselona" juda yaxshi tarkibga ega va biz barcha sovrinlar uchun kurashamiz", deydi gollandiyalik futbolchi.

Eslatib o'tamiz, Kataloniya klubi shu yozda Emerson, Aguero, Depay va Erik Garsiya kabi futbolchilar bilan shartnoma imzoladi.