Ronaldu "PSJ" yoki "Real"ga o'tmoqchi

Portugaliyalik hujumchi Krishtianu Ronaldu "Yuventus"ni tark etmoqchi. Bu haqida "AS" nashri xabar bermoqda. Manbada aytilishicha, Krishtianuning qarori Mbappening kelajagiga ta'sir qilishi mumkin.

Agar, Mbappe "PSJ"dan "Real"ga ketsa, parijliklar Ronaldu bilan shartnoma imzolashga tayyor bo'lishadi, lekin bu amalga oshmasa, portugaliyalik qirollik klubiga qaytishga umid qilmoqda.

Eslatib o'tamiz, "Yuventus" Ronalduni 2018 yilda "Real"dan 120 million evroga sotib olgan edi.

O'shandan beri, KriRo Italiya A Seriyasida 133 uchrashuvda maydonga tushib, 101ta golni o'z hisobiga yozdirib qo'ygan.