Kosta uchun turk va portugal klublari kurashadi

Istanbulning «Beshiktosh» klubi ispaniyalik hujumchi Diego Kosta uchun kurashga kirishdi, deb yozadi jurnalist Nikolo Skira o'z tvitter sahifasida.

Manbaga ko'ra, turk klubi hujumchiga bonuslarni hisobga olmaganda, yiliga uch million evro maosh bilan ikki yillik shartnoma taklif qilgan. Bundan tashqari, turklar bu yo'lda "Benfika"ning raqobatini ham sindirishlariga to'g'ri keladi. 

Ma'lumot uchun, 32 yoshli Kosta 2021 yil yanvar oyida «Atletiko»ni tark etgandi va hozirda u erkin agent maqomida.