Kayo transferi «Yuventus»ga qanchaga tushdi?

«Yuventus» «Santos» markaziy himoyachisi Kayo Jorjeni sotib olganini ma'lum qildi.

Tomonlar kelishuvning barcha tafsilotlarini muhokama qilishgan va yaqin orada futbolchi Turin klubi bilan shartnoma imzolaydi. Bu haqda insayder Nikolo Skira xabar bermoqda.

Kayo va "Yuve" o'rtasidagi shartnoma besh yilga - 2026 yilgacha amal qiladi. 19 yoshli braziliyalik Turinda mavsum uchun 1,5 million evro maosh olishi belgilandi.

Futbolchining o'zi uchun «Yuventus» bonuslar bilan bir qatorda 2,5 million evro to'laydi. Shuningdek, «Santos» futbolchining keyingi sotilishidan 5 foiz daromad ko'radi.