Tokio-2020. To'qqizinchi kungi natijalarimiz

Tokio-2020 olimpiadasining to'qqizinchi kuni o'zbekistonlik sportchilar uchun yakuniga etdi. Sportchilarimizning bugungi natijalari bilan tanishtirib o'tamiz.

Boks. +91 kg. Bahodir Jalolov hindistonlik Satish Kumarni 5:0 hisobida engib, yarim finalga chiqdi. Bu esa medal naqd degani. Albatta, Bahodir oltin uchun asosiy da'vogar.

Engil atletika. Uzunlikka sakrash. Darya Reznichenko ikki urinish natijasiga ko'ra 13-o'rinni egalladi.

Yunon-rum kurash. 60 kg. Elmurat Tasmuradov birinchi bellashuvini ukrainalik Lenur Temirovga 0:5 hisobida mag'lub bo'ldi.

130 kg. Mo'minjon Abdullaev estoniyalik raqibi Artur Vititinni 8:0 hisobida engdi. Lekin keyingi bahsni Abdullaev chililik Yasmani Fernandesga boy berdi.

Ikkala kurashchimizni enggan raqiblar keyinchalik mag'lub bo'lishdi va bizni medallar uchun imkoniyatdan mahrum qilishdi.

Og'ir atletika. 76 kg. Kumushxon Fayzullaeva dast ko'tarishda 101 kg, siltab ko'tarishda 126 kg og'irlikni zabt etib, o'z guruhida 6-o'rinni egalladi va Olimpiadani medalsiz yakunladi.