«Arsenal» futbolchisiga aylangan Ben Uaytga jamoadoshi omad tiladi

«Brayton» klubi himoyachisi Ben Uayt Londonning «Arsenal» klubiga transfer bo'lgani e'lon qilingach, futbolchining jamoadoshi Iv Bissuma unga omad tilab ijtimoiy tarmoqlarga xabar joylashtirdi. Xabarda malilik o'yinchi Uaytga samimiy minnatdorlik hamda zafarli yo'l tilagan.

23 yoshli o'yinchi Mikel Artetaning ushbu yozdagi eng qimmat transferi bo'ldi. Futbolchi uchun Graham Potter jamoasi 50 million funt olgan. Yoz fasli boshida «90Min» nashri «kanonirlar»ni Bissuma transferiga qiziqayotgani haqida xabar tarqatgan edi.