Mikael Sekeyra: «Lokomotiv»ning mavsumdagi eng chiroyli o'yinlaridan biri bo'ldi»

"Lokomotiv" bosh murabbiyi Mikael Sekeyra Superliganing 13-turi doirasida bo'lib o'tgan "Nasaf"ga qarshi o'yin (2:0) borasida o'z fikrini bildirib o'tdi.

"Bugun haqli g'alabaga erishdik deb o'ylayman. Birinchi bo'limning o'zidayoq yigitlar sifatli futbol namoyish etishdi. O'yin uslubimizga tanlangan rejani to'g'ri bajarib berishdi. «Lokomotiv»ning mavsumdagi eng chiroyli o'yinlaridan biri bo'ldi deb hisoblayman. Chunki «Nasaf» juda kuchli jamoa hisoblanadi. Shu boisdan bugun ideal o'yin ko'rsata oldik, deb ayta olaman", — dedi Sekeyra.