UEFA sudda yutqazgach, «Real», «Barselona» va «Yuventus» klublari qo'shma bayonot berishdi
/ Kiritdi: BestMaster Ko'rilgan: 254
Madrid sudi UEFA tomonidan kiritilgan apellyatsiyani rad etgan. Tashkilot Superliga muassislariga qarshi sanktsiyalar kiritishni istagan edi. Sud buning imkonsiz ekaniga qaror bergan. Mazkur qarordan so'ng jamoalar qo'shma bayonot bilan chiqdi. Unda jumladan quyidagi so'zlar aytiladi:
— “Real”, “Barselona” va “Yuventus” Madrid sudi qarorini qoniqish bilan qabul qiladi. Endilikda UEFA jamoalarimizga nisbatan cheklovlarni kiritolmaydi va qolgan to'qqiz muassis klublarni ham jarimaga tortolmaydi...
— Futbol qarshisida turgan jiddiy muammolarga echim topish bizning burchimiz. UEFA o'zini qonun chiqaruvchi va Evropada musobaqalar o'tkazishga haqli yagona tashkilot deb bilmoqda. Mazkur monopolistik qarash va qabul qilib bo'lmas pozitsiya futboldagi muvozanatni buzib, unga zarar keltiradi...
— Superliganing muvaffaqiyatiga ishonamiz. Takliflarimizdan bir qanchasini qayta ko'rib chiqish mumkinligini tushunib turibmiz va ularni muloqot va murosa yo'li bilan amalga oshirish lozim deb bilamiz...
Bayonotning to'liq matni uch klub saytida ham e'lon qilingan.
Bosh sahifaga
220