«Aston Villa» darvozaboni top klublar nazariga tushgan

«Aston Villa» darvozaboni Emi Martinezga Evropaning top klublaridan taklif bo'lmoqda. Xabarlarga ko'ra, birmingemliklar mana shu omil tufayli darvozaboni bilan shartnoma bo'yicha yangi muzokaralar boshlaydi. 28 yoshli argentinalik Kopa Amerikada zafar quchgach, unga bo'lgan qiziqishlar oshib ketgan. Qiziqayotgan klublardan biri «MYu» bo'lishi tahmin qilinmoqda.

Martinez 2020 yilning sentyabrida «Arsenal»dan 20 million funtga ko'chib o'tgan edi. U «Villa»ning mavsumdagi har bir o'yinida ishtirok etib, 15 marta darvozasini dahlsiz saqlab qoldi.