Reshford yaqin orada operatsiya qilinadi

«Manchester Yunayted» va Angliya terma jamoasi hujumchisi Markus Reshford elkasidan operatsiya qilinadi. Bu ma'lumotni «Yunayted» matbuot xizmati rasman tasdiqladi.

E'tiborlisi, Markus anchadan buyon elkasida jiddiy muammolarga duch kelayotgan edi. Konservativ davo inglizga yordam bermadi. Operatsiya yaqin kelajakda amalga oshirilishi kutilmoqda.

Eslatib o'tamiz, Reshford o'tgan Evroda Angliya terma jamoasi tarkibida asosiy bahslarda harakat qildi. U inglizlarning turnir finaliga chiqishiga katta yordam bergan.