Virjil van Deyk barcha muxlislarga minnatdorchilik xabarini yo'lladi

«Liverpul» klubi himoyachisi Virjil van Deyk  kecha Avstriyada «Gerta»ga qarshi o'rtoqlik o'yinida maydonga tushgandan so'ng, muxlislarga xabar yubordi. Gollandiyalik futbolchi tizzasidan olgan jarohati sabab 9 oy mobaynida davolandi. U o'z xabarida shunday deydi:

«285 kunlik og'ir damlardan so'ng men yana o'yinga qaytdim. Hozir his qilayotganlarimni so'z bilan ayta olmayman. Biroq barchani qo'llab-quvvatlashlaridan so'ng, o'zimni baxtiyor sezdim. Men bugun o'z yordamini ayamagan jarroh- shifokorlar, murabbiylar, jamoadoshlarimga cheksiz minnatdorligimni bldirmoqchiman. Bundan keyin faqat olg'a harakat qilamiz va shunday davom etamiz. Muxlislarsiz esa biz hechkimmiz».