Tokio-2020. Dzyudo. Oltiboev Olimpiada chempioniga imkoniyatni boy berdi, biroq bronza uchun umid bor

Biroz oldin dzyudochimiz Bekmurod Oltiboev Tokio-2020 Olimpiya o'yinlari doirasida chorak final bellashuvini o'tkazdi. Unda vakilimiz Rio-2016 Olimpiadasi chempioni bilan bahs olib bordi.

Chexiya vakili Lukash Krpalek bilan kechgan kurashda raqib vazari bahosi bilan ustun kelib, yarim finalga yo'l oldi.

Biroq Oltiboev bronza medali uchun kurashish imkonini saqlab qolmoqda. Endi u o'tish bosqichida ukrainalik Yakiv Xammo bilan kuch sinashadi.